【母語世界】話中秋

1. 上帝創造真奇妙 萬物齊備算bōe了 日月星辰是光體 日晝分明照大地 權能攝理藏玄機 中秋月娘掛天邊

2. 八月十五中秋暝 月娘明亮笑微微 中秋夜景好情調 雙雙對對算bōe了 祈禱月娘倚做堆 美夢成真促成對

3. 月餅送禮成慣俗 相交陪情深喜足 月餅文旦柚青睞 佳節滿滿桌頂排 大庭賞月心頭開 啉茶配餅月餅甜 汁甜軟米文旦柚 天父賜福添歲壽

4. 月餅卵仁圓包圓 中秋月娘面上圓 夫妻恩愛萬事圓 月餅桂圓圓包圓 中秋月娘上ha̍h味 大細平安滿福氣 月餅紅棗圓包圓 中秋月娘上補氣 族群祥和好厝邊 月餅干貝圓包圓 中秋月娘上健美 國強民富萬代年

5. 中秋月娘光閣圓 中秋月餅圓閣甜 陣陣柚香飄萬里 上帝子民樂安居 月娘笑容永相隨 天父賜福萬萬年 上帝創造極偉大 十五中秋年年來